غلطی سے سرحد پار کرنے والا پاکستان نوجوان، بالاکوٹ سیکٹر میں بی ایس ایف نے کیا گرفتار

سرینگر/09مارچ/سی این آئی// پونچھ سیکٹر میں لائن آف کنٹرول پر بی ایس ایف نے اس وقت ذہنی طور معذور پاکستانی نوجوان کو حراست میں لیا جب وہ غلطی سے سرحد پار کرکے پونچھ سیکٹر میں داخل ہو گیا تھا ۔ سی این آئی کو پولیس ذرائع سے معلوم ہوا ہے کہ بی ایس ایف نے بالاکوٹ لائن آف کنٹرول کے پاکستانی نوجوان کو حراست میں لیا ہے جو لائن آف کنٹرول پارکر کے ہندوستانی حدود میں آگیاتھا۔پو لیس کے اعلی افسر نے اس واقع کی تصدیق کر تے ہوئے کہا کہ فوج نے بالاکوٹ فاورڈ علاقہ سے اتوار رات کودیر گئے ایک پا کستانی باشندے کو حر است میں لیا ہے جو کہ لائن آف کنٹرول کو کراس کر کے بھارتی حدود میں آ گیا تھا۔انہوں نے بتایا کہ بیس سالہ نو جوان فریاد علی ولد چودھری نثار علی ابھی فوج کے پاس ہے اور تحقیقات جاری ہیں۔ نوجوان نکیال کو ٹلی پاکستا ن کا رہنے والا ہے۔فریاد علی ذہنی طور پر معذور بتایا جاتا ہے۔