بارہمولہ میں گذشتہ 24گھنٹوں میں 51افراد پر حملہ کرکے زخمی کیا گیا
شمالی کشمیر میں آوارہ کتوں نے اپنی ایجارہ داری قائم کرتے ہوئے تمام اضلاع کی سڑکوں پر قبضہ جمایا ہے ۔ آوارہ کتوں نے گذشتہ 24گھنٹوں میں مختلف جگہوں پر درجنوں افراد پر حملہ کرکے انہیں زخمی کردیا ہے ۔ شمالی کشمیر کے بارہمولہ ضلع کے کانٹھ باغ علاقے میں آوارہ کتوں کے دستوں نے علاقہ پر دھاوا بول کر 51سے زائد افراد کو زخمی کردیا ہے ۔جن میں مرد و خواتین شامل ہیں۔ آوارہ کتوں کے حملوں کی وجہ سے علاقہ میں خوف و دہشت کا ماحول پھیل گیا ہے خاص کر سکولی بچوں اور بزرگ افراد کو آنے جانے میں خوف محسوس ہوتا ہے ۔
