محکمہ موسمیات نے جزوی طور پر ابر آلود موسم کی پیشگوئی کرتے ہوئے اگلے چند دنوں کے دوران جموں و کشمیر کے کچھ مقامات پر ہلکی بارش کا امکان ظاہر کیا ہے
ڈائریکٹر محکمہ موسمیات ڈاکٹر مختار احمد نے بتایا کہ 11 اپریل کو موسم جزوی سے ابر آلود رہنے کی توقع ہے اور کہیں دوپہر یا شام کے اوقات میں کہیں کہیں ہلکی بارش کا امکان ہے۔
انہوں نے کہا کہ 12 اپریل کو عام طور پر خشک رہے گا، حالانکہ دوپہر کے اوقات میں کچھ مقامات پر ہلکی بارش کا امکان ہے، جبکہ 13 سے 15 اپریل تک پورے خطے میں موسم عام طور پر خشک رہنے کی توقع ہے۔
انہوں نے کہا کہ 16 سے 17 اپریل تک موسم عام طور پر ابر آلود رہنے کا امکان ہے اور چند جگہوں پر ہلکی بارش یا گرج چمک کے ساتھ دوپہر کے آخر یا شام کے اوقات میں بارش کا امکان ہے،
انہوں نے مزید کہا کہ 18 سے 22 اپریل تک حالات عام طور پر خشک رہنے کی توقع ہے۔
دریں اثنا، محکمہ موسمیات نے موسم کی مجموعی صورتحال کو دیکھتے ہوئے کسانوں کو فارم کے تمام کام دوبارہ شروع کرنے کا مشورہ دیا ہے۔
