پاکستان او آئی سی کی طرف سے کشمیریوں کی مکمل حمایت کو سراہتا ہے
سرینگر/21نومبر/سی این آئی/ تحریک حریت کے ضلع صدر اسلام آباد کی ہلاکت کی زبردست الفاظ میں مذمت کرتے ہوئے پاکستان نے او آئی سی کی طرف سے کشمیریوں کی مکمل حمایت کو سراہتا ہے جب کہ اقوام متحدہ کے ہائی کمشنر برائے انسانی حقوق کی طرف سے تحقیقات کی سفارش پر جلد عملدرآمد پر بھی زور دیتا ہے۔سی این آئی مانیٹرنگ کے مطابق پاکستانی دفتر خارجہ نے تحریک حریت جموں و کشمیر کے سنیئر رہنما حفیظ اللہ میر کے قتل کی مذمت کی ہے۔ترجمان دفتر خارجہ کی جانب سے جاری بیان میں کشمیر میں بھارتی مظالم سمیت تحریک حریت جموں و کشمیر کے سنیئر رہنما حفیظ اللہ میر کے قتل کی مذمت کرتے ہوئے کہا گیا ہے کہ پاکستان بھارتی افواج کے ہاتھوں 3 کشمیریوں کی جاں بحق اور 8 کے زخمی ہونے کی مذمت کرتا ہے۔ترجمان دفتر خارجہ کا کہنا تھا کہ پاکستان او آئی سی کی طرف سے کشمیریوں کی مکمل حمایت کو سراہتا ہے جب کہ اقوام متحدہ کے ہائی کمشنر برائے انسانی حقوق کی طرف سے تحقیقات کی سفارش پر جلد عملدرآمد پر بھی زور دیتا ہے۔
