امریکہ اتحادی ممالک کے ساتھ مل کر کام کرے گا میٹس

واشنگٹن 10 مئی: امریکہ کے وزیر دفاع جم میٹس نےاپنے اتحادیوں کی تشویشات کو دور کرتے ہوئے کہا ہے کہ امریکہ نے ایران جوہری معاہدے سے الگ ہونے کا فیصلہ لے کر خود کو اتحادی ساتھیوں سے دور کیا ہے لیکن امریکہ اپنے اتحادی ممالک کے ساتھ مل کر کام کرتا رہے گا۔
جم میٹس نے کل امریکی سینیٹ کی اختصاص کمیٹی کے سامنے کہا’’ہم اپنے ساتھی ممالک کے ساتھ مل کر اس بات کو یقینی بنائیں گے کہ ایران کبھی بھی جوہری ہتھیار نہ بنا سکے۔ اس کے علاوہ دوسرے ممالک کے ساتھ مل کر ایران کے ضمنی اثرات کو ختم کرنے کی کوشش کریں گے‘‘۔