ایس کے آئی سی سی میں منعقدہ تقریب میں خطاب کرتے ہوئے وزیر اعلیٰ عمر عبداللہ نے مرکزی وزیر شیوراج سنگھ چوہان کا گرمجوشی سے خیرمقدم کیا اور انہیں جموں و کشمیر کا سچا دوست اور خیر خواہ قرار دیا۔
انہوں نے کہا”میں شری شیوراج سنگھ چوہان کا سرینگر میں تہہ دل سے خیرمقدم کرتا ہوں اور اظہار تشکر کرتا ہوں۔ آپ نے بار بار یہ ثابت کیا ہے کہ آپ جموں و کشمیر کے لوگوں کے سچے دوست اور خیر خواہ ہیں۔
آپ نے ”ماما“کے طور پر جو پیار حاصل کیا ہے وہ آپ کے لیے مناسب ہے۔ جموں و کشمیر واقعی قابل تعریف ہیں۔
عمر عبداللہ نے مزید کہا کہ پچھلے ڈیڑھ سال کے دوران چوہان نے جموں و کشمیر کی ضروریات کے تئیں مسلسل حساسیت کا مظاہرہ کیا ہے۔ 8,000 کروڑ روپے کی منظوری کو غیر معمولی قرار دیتے ہوئے، انہوں نے کہا کہ ایک ہی مرحلے میں اتنی بڑی منظوری اہم ہے، اور ریاستی حکومت زمین پر تیزی سے عمل درآمد کو یقینی بنائے گی۔
