جاں بحق جنگجو نوجوانوں کی شناخت مکمل ،تمام مقامی ،لشکر طیبہ سے وابستہ
ضلع بھر میں موبائیل انٹر نیٹ خد مات منقطع ،ہڑتال سے زندگی کی رفتار منجمند
شوپیان: جنوبی کشمیر کے ضلع شوپیان کے کلورہ نامی گاو¿ں میں جمعہ کی شام سے جاری مسلح تصادم میں اب تک پانچ جنگجو جاں بحق ہوگئے ہیں۔ ذرائع نے بتایا کہ ایک جنگجو کی لاش گذشتہ شام جبکہ باقی چار جنگجوو¿ں کی لاشیں ہفتہ کی صبح برآمد کی گئیں۔
فوج کی چنار کور نے اپنے آفیشل ٹویٹر ہینڈل پر ایک ٹویٹ میں کہا ’آپریشن کلورہ شوپیاں۔ مزید چار جنگجوو¿ں کو ہلاک کیا گیا۔ اب تک پانچ جنگجوو¿ں کو ہلاک کیا جاچکا ہے۔ ہتھیار برآمد کئے گئے ہیں۔ آپریشن جاری ہے‘۔
ریاستی پولیس کے سربراہ ڈاکٹر شیش پال وید نے کہا ’کلورہ شوپیان میں مسلح تصادم کے مقام پر مزید چار جنگجوو¿ں کی لاشیں نظر آرہی ہیں۔ مارے گئے جنگجوو¿ں کی تعداد بڑھ کر پانچ ہوگئی ہے۔ یہ امن کے لازمی تھا‘۔
ریاستی پولیس کے ایک ترجمان نے بتایا کہ جنگجوو¿ں اور سیکورٹی فورسز کے درمیان مسلح تصادم جمعہ کی شام شروع ہوا۔ انہوں نے بتایا ’کلورہ شوپیاں میں موجود جنگجوو¿ں کے ایک گروپ کے بارے میں مصدقہ اطلاع ملی تھی۔
طرفین کے مابین گذشتہ شام ہی مسلح تصادم چھڑ گیا۔ ابتدائی فائرنگ میں ایک جنگجو کو مارا گیا تھا۔ علاقہ میں سرچ آپریشن جاری ہے۔ سمجھا جارہا ہے کہ اس گروپ کا تعلق کالعدم جنگجو تنظیم لشکر طیبہ سے تھا‘۔ ہفتہ کی صبح انکاﺅنٹر مخالف مظاہرے بھی شروع ہوئے ۔
اطلاعات کے مطابق مقام جھڑپ کے نزدیک نوجوانوں کی ایک خاصی تعداد ٹولیوں کی صورت میں نمودار ہوئی،جنہوں نے انکاﺅنٹر آپریشن میں رخنہ ڈالنے کی کوشش کرتے ہوئے فورسز پر پتھراﺅ کیا ۔جوابی کارروائی کے دوران فورسز اہلکاروں نے مشتعل مظاہرین کو تتر بتر کرنے کےلئے ٹیر گیس شلنگ ،پیلٹ فائرنگ کی ۔فورسز کارروائی کے نتیجے میں متعدد مظاہرین زخمی ہوئے ،جنہیں علاج ومعالجہ کی اسپتال منتقل کیا گیا ۔
ادھر صورتحال کے سبب جنوبی کشمیر کے چاروں اضلاع شوپیان ،پلوامہ ،کولگام اور اننت ناگ میں ممکنہ احتجاجی مظاہروں کے پیش نظر مو بائیل انٹر نیٹ خد مات خد مات منقطع کی گئیں جبکہ بیشتر علاقوں میں بند کے نتیجے میں معمولات زندگی ٹھپ ہو کر رہ گئے ۔
جاں بحق جنگجوﺅں کی شناخت مکمل
جاں بحق جنگجوﺅں میں ارشاد احمد ساکنہ گناﺅ پورہ بالپورہ ،وقار احمد شیخ ساکنہ ملک گنڈ ،اعجاز احمد پال ساکنہ لسدینو اور عمر ملک ساکنہ ملک گنڈ کے بطور ہوئی جبکہ پانچویں جنگجو کی شناخت ابھی تک نہیں ہوئی ۔
